געווענטליך וועט א יונגערמאן לערנען איסור והיתר אין כולל תיכף נאך זיין חתונה. איין מאל ער הייבט אן בויען זיין שטוב ווערט ער אוטאמאטיש פארנומען צו  פארזארגן פרנסה פאר זיין וואקסנדע געזונדל. א חלום פון נעמען צייט זיך אוועקזעצן לערנען הלכות וואס זענען אזוי נוגע צו זיין לעבן הייבט אן אויסזעהן ווי א ווייטע פאנטאזיע. ער האט קוים צייט צו לערנען זיין טעגליכע שיעור מיט זיין חברותא, שוין אפגערעדט פון זיך אריין צו לאזען אין טיפע פארצוויגטע סוגיות פון שו"ע און פוסקים.

מיט קנין הוראה איז סמיכה יעצט א גרינג גרייכענדע ציל פאר אזוי פיל אינגעלייט.

די שיעורים ווערען פארגעלערנט דורך הרב יוחנן טווערסקי שליט"א וועלכע איז באקאנט פאר זיין אויסערגעווענליכע בקיאות און שטארקע כח הסברה: רב טווערסקי וועט איבערגעבען שיעורים און פערזענליך באגלייטען יעדען תלמיד צו פארזיכערען זיין הצלחה.

יעדער תלמיד באקומט הערליכע קונטריסים אויף יעדע נושא אין א קלארע לייכטע שפראך. ציורים און טבלאות פארזיכערן אז איר וועט אלעס פארשטיין מיט א קלארקייט און די קלארע סיכומים נעמען אלס צוזאם אז איר זאלט עס גוט קענען און געדענקען.

יעדער שיעור איז רעקארדירט און אויב פארפאסט מען א שיעור קען מען דאס גרינגערהייט משלים זיין או איבערחזר'ען: נאכאמאל און נאכאמאל!

נאך א גאנצע יאר פון שווערע הארוואניע וועט יעדער תלמיד - וואס איז אריבער די בחינות בהצלחה -עררייכען זיין וואויל פארדינטע תעודת הוראה בחתימת אונזער חשובע וועד הרבנים מסמיכים בראשות הרב טווערסקי שליט"א וואס קען יעדען תלמיד באזונדער: דער תעודה איז אויך געחתמ'עט דורך הרה"ג רבי שלמה לייזער שליט"א דומ"ץ שפע חיים צאנז ב"פ הרה"ג רבי יוסף פאלאטשעק שליט"א אבד"ק שם משמעון הרה"ג רבי אברהם צבי פריעדמאן שליט"א דומ"ץ גאלאנטא ומח"ס אוצר הלכות הרה"ג רבי יעקב מנחם שטייף שליט"א דומ"ץ התאחדות הרבנים

אויב האט איר אייביג געוואלט קענען איסור והיתר אבער איר זענט פשוט נישט אנגעקומען דערצו, קען דאס זיין אייער שליסעל צו ערמעגליכען דעם חלום!

די לימוד דעקט די הלכות פון בשר בחלב, תערובות און מליחה אנגעהויבען ביי די שלחן ערוך און נושאי כלים ביז צו די פראקטישע הלכה למעשה ביי אייך אינדערהיים.