זענט איהר א כולל יונגערמאן וואס וויל זיך משלים זיין בדרכי הוראה בהלכות נדה? א רב וואס האט דארף קענען די וויכטיגע הלכות? אדער זענט איהר א בעל הבית וואס וויל גוט קענען הלכות נדה מיט א קלארקייט?

 אסאך יונגעלייט לערנען אין כולל יורה דעה חלק ב' וואס איז כולל הלכות נדה, אבער אינצווישן די סיבות וואס זענען גורם אן אימקלארקייט אין די הלכה למעשה, איז די חסרון פון נישט חזר'ן בכלל אדער נישט חזר'ן ריכטיג. און ווי אויך גדול שימושה יותר מלימודה, דהיינו: א גרויסע טייל פון די שאלות וואס קומען פאר ביי יעדער יונגערמאן אין שטוב זענען נישט אויסגעשמועסט בפירוש אין שו"ע, נאר זיי זענען שאלות וואס פאדערט ליבון ושימוש לדמות מלתא למלתא.

 אסאך ערליכע יונגעלייט וואס זענען טרוד על המחיה ועל הכלכלה, האבן בכלל נישט געהאט די הזדמנות צו לערנען די הלכות אין כולל. און זיי ווילן וויסן וואס איז מותר וואס איז אסור, און וואס פאדערט שיקול הדעת פון א מורה הוראה לדון לגופו של ענין.

 נתיב הטהרה פון קנין הוראה איז די ענטפער, פארגעלערענט מיט א זעלטענע קלארקייט, די שיעורים ווערן איבערגעגעבען פערזענליך אינעווענדיג אין שו"ע, אויסשמועסענדיג די פארשידענע מציאות'ן און שאלות וואס קומען פאר, ביז די הלכה למעשה.

 עס זענען פארהאן ספעציעלע קונטרסים פון הסברה און סיכומים צוגעשטעלט כדי צו קענען חזר'ן די לימודים מיט א קלארקייט, ווי אויך באשטימטע צייטן פאר חזרה אויף די לימודים.

 נאך א גאנצע יאר פון שווערע האראוואניע וועט יעדער תלמיד - וואס איז אריבער די בחינות בהצלחה - עררייכען זיין וואויל פארדינטע תעודת הוראה בחתימת די חשובע וועד הרבנים מסמיכים פון קנין הוראה.