אין דעם קורס, וועט איר לערנען אלע סוגיותההלכה וואס זענען נוגע פאר דעם ערליכען בעל פרנסה. דער שיעור איז איין מאל א וואך זונטאג, און אפילו א פארנומענע ביזנעסמאן קען עס מיטהאלטען. אלע עניני הלכה זענען וויכטיג אבער דא קענט איר איבערדרייען אייער עסק פון א גאנצע טאג צו אן עסק פון תורה און עבודת השם.

אין אסאך הינזיכטן פון אידישע לעבן זענען די הלכות קלאר, באקאנט, און שייך פאר יעדעם צו לערנען. דיני ממונות און עניני מסחר זענען פונקט אזוי נוגע, אבער גאר פארנעפלט. די וועלט פון מסחר ווערט אלס מער און מער פארגעשריטן און די היימישע ציבור דארף קריטיש וויכטיג זיך באקענען מיט די יסודות ההלכה, און וויאזוי אנצוגיין טאג טעגליך אין מסחר על פי ההלכה.

צו ס'איז די פארצווייגטע דינים פון ריבית און היתר עיסקא, צו וויאזוי מ'באגייט זיך מיט ארבייטער, שותפות, קאמישאנס, שטרות, קנינים, קאנקורענץ און הסגת גבול - דער קורס וועט דורכגיין אלעס וואס איר וועט באגעגענן אין מסחר.

נאכ'ן לערנען מיט קנין הוראה, כאטש איר וועט אפשר נישט קענען אליין פסק'ענ'ן יעדער שאלה, דאך וועט איר פארשטיין פון וואס ס'האנדלט זיך און וויאזוי מ'דארף צוגיין צו א שאלה אין דיני ממונות.