אונזער לוח איז מלא וגדוש מיט מועדים וזמנים - און יעדער זמן קומט מיט זיך אירע אייגענע מצוות און מנהגים. צו ס'זאל זיין שופר, בויען א סוכה, קלויבן ד' מינים, צוגרייטען א הויז פאר פסח, אדער וויסן וואס איז נוגע אין חול המועד, און וויאזוי יום טוב איז אנדערש פון שבת, קומט מיט א וועלט פון הלכה'דיגע פרטים אין די מועדים וזמני השנה.

יעדעס יאר האט מען די זעלבע שאלות, וויאזוי כשר'ט מען פאר פסח? ווען איז די ריכטיגע זמן פאר סעודת פורים? מעג מען שרייבען א טשעק חול המועד? איינער וואס פאסט נישט יוה"כ ל"ע, מאכט ער קידוש?

די שאלות זענען נישט סתם ללימוד בעלמא, דאס זענען עכטע שאלות להלכה ולמעשה. פאר דעם זאגט דער גמרא אז משה רבינו האט מתקן געווען אז מ'זאל לערנען הלכות חג בחג, לדעת את המעשה אשר יעשון.

דער מועדים וזמנים חבורה איז אוועק געשטעלט אייך אהערצושטעלן די הלכות פון די זמני ומועדי השנה, מיט א דגוש אויף הלכה למעשה. מיט וואס איר וועט בעזרת השם אנקומען צו יעדעם יום טוב מיט די ריכטיגע הכנה!

מען וועט בעזרת השם לערנען: דיני יום טוב וחול המועד‍, ראש השנה, יום כיפור, סוכות חנוכה ופורים, חודש ניסן, הכנה לפסח, וסדר ליל פסח, הל' תענית ובין המצרים.

ביי יעדער שיעור וועט איר באקומען די קלארע הלכה למעשה, געלערנט פון אינעוויניג אין משנה ברורה, צוזאמען מיט הוראות פון אונזערע באקאנטע קונטריסים צו צושטעלן דעם שולחן ערוך מיט דעם היינטיגע טאג טעגליכע לעבן.

נאך א גאנצע יאר פון שווערע האראוואניע וועט יעדער תלמיד - וואס איז אריבער די בחינות בהצלחה - עררייכען זיין וואויל פארדינטע תעודת הוראה בחתימת די חשובע וועד הרבנים מסמיכים פון קנין הוראה.